Intersess

Persuni intersex jitwieldu b’karatteristiċi tas-sess, bħall-kromożomi (chromosomes), l-ormoni, il-gonadi jew il-ġenitali li ma jaqgħux perfettament fil-kategoriji ta’ “raġel” jew “mara”. Din mhix xi ħaġa rari però mhux ħaġa li nisimgħu wisq dwarha.

Il-ġisem tal-bniedem għandu diversità vasta, u l-ġisem intersess jurina li n-natura qatt ma ssegwi regoli stretti. Il-karatteristiċi intersex huma komuni daqs ix-xagħar ġinġer naturali. Hemm ċans kbir li  ġa ltqajt ma’ xi ħadd intersex bla ma taf.

‘Intersess’ huwa terminu wiesa’ u sabiħ, li jiġbor taħtu ħafna varjazzjonijiet dwar kif jiżviluppa l-ġisem. Fost l-aktar varjazzjonijiet magħrufa hemm:

• Androgen Insensitivity Syndrome (AIS): Il-ġisem ma jirrispondix għat-testosterone b’mod tipiku. Persuni b’AIS parzjali jew totali ġeneralment ikollhom kromożomi XY u jipproduċu t-testosterone tagħhom stess. Iżda peress li l-ġisem ma jirrispondix għalih, ħafna drabi jiżviluppaw karatteristiċi li normalment jitqiesu bħala femminili.

• Congenital Adrenal Hyperplasia (CAH): Ġeni (Genes) speċifiċi jinfluwenzaw kif xi enżimi (enzymes) jirregolaw il-funzjonijiet tal-ġisem. Fil-CAH, varjazzjonijiet f’dawn il-ġeni jibdlu kif il-ġisem jirreaġixxi għal ċerti ormoni u jipproduċi aktar androġeni biex jikkumpensa. Persuna bil-CAH jista’ jkollha kromożomi XX jew XY. Wara t-twelid jista’ jkun li lanqas biss jiġu nnotati differenzi fil-ġenitali. Min-naħa l-oħra jista’ jkun li karatteristiċi tas-sess sekondarji, bħal per eżempju l-iżvilupp tal-massa tal-muskoli jew is-suf tal-wiċċ li ġeneralment titla’ fil-pubertà, jibqgħu ma jidhrux anke wara l-pubertà.

• Klinefelter Syndrome (XXY): Kromożoma ‘X’ żejda li tista’ taffettwa l-ormoni, il-fertilità u l-iżvilupp fiżiku. Ġeneralment, persuni li jitwieldu b’din il-kromożoma ‘X’ żejda jiġu meqjusin irġiel meta jitwieldu, u d-differenzi fiżiċi jistgħu ma jkunux ovvji.

• Turner Syndrome (XO): F’dan il-każ, wieħed ikollu kromożoma X biss u dan jista’ jaffettwa l-iżvilupp u l-pubertà. Persuni li jitwieldu b’Turner Syndrome ħafna drabi jiġu meqjusin bħala nisa meta jitwieldu iżda ġieli ma jiġilhomx il-period jew ma jesperjenzawx il-bidliet li nassoċjaw mal-pubertà.

• Defiċjenza fil-5-Alpha-Reductase jew 17-Beta-HSD: Dawn jaffetwaw kif il-ġisem joħloq jew juża l-ormoni tas-sess. Kultant xi bidliet jibdew jidhru waqt il-pubertà, għax ikunu qed jaffettwaw il-mod kif jiżviluppaw il-karatteristiċi tas-sess esterni, bħall-pene jew il-vulva.

• Varjazzjonijiet Ovotestikulari: Xi persuni għandhom kemm tissue ovarjan kif ukoll testikolari (bajd tar-raġel u tal-mara) f’taħlita unika. Dan ġieli jkun marbut ma’ kimeriżmu (chimerism) jew możajċiżmu (mosaicism), jiġifieri persuna tista’ jkollha kwalunkwe taħlita ta’ kromożomi XX u XY. Ġeneralment, però, il-persuna jkollha kromożomi XX jew XY.

Dawn huma biss ftit eżempji. Kull ġisem intersess huwa differenti. M’hemm l-ebda mod wieħed kif wieħed għandu jidher, jikber jew iħossu. U m’hemm l-ebda kaxxa waħda li wieħed irid jiddeffes fiha.

Il-kumdità u l-kurżità huma l-bidu tal-pjaċir. Jekk ġismek għadda minn snin ta’ trattamenti mediċi, mistoqsijiet u ġudizzji, jista’ jieħu ftit taż-żmien biex terġa’ tibni l-fiduċja fik innifsek u f’ġismek. Dan hu kollu normali. 

Ibda bil-mod, ħu nifs fil-fond, u dejjem ftakar li inti l-espert ta’ dak li tħoss tajjeb.

• Esplora waħdek qabel taqsam il-pjaċir ma’ xi persuna oħra. Miss lilek innifsek mingħajr ma toħloq ebda aspettattivi. 

• X’inhu dak li jagħmlek l-aktar sensittiv? Jaf ikunu temperaturi differenti, il-pressjoni ta’ meta tagħfas, ir-ritmu li tiċċaqlaq bih, il-vibrazzjonijiet, jew anke s-sensazzjoni tal-kalma.

• Jekk kellek xi operazzjonijiet fil-passat, ibda bil-mod billi tmiss b’mod ħafif u delikat, jew inkella għamel moviment ta’ messaġġi ħfief biex terġa’ tintroduċi s-sensazzjoni fil-partijiet differenti ta’ ġismek.

• Tkun idea tajba jekk tipprova tuża l-lubrikant (lube).  Dan inaqqas il-frizzjoni (friction) speċjalment meta l-ġisem ma jipproduċix lubrikant b’mod naturali. Bil-mod il-mod, ġismek jibda jirrilassa għas-sensazzjonijiet li tkun qed tħoss.

Il-pjaċir mhux tellieqa.. Li huwa importanti hu li ssib dak li vera jtik gost u l-konnessjoni li jkollok ma’ min tiddeċiedi li taqsam il-pjaċir.

Meta tħossok sigur, mixtieq u rispettat, tkun qed tagħti lok biex tikber ix-xewqa u l-immaġinazzjoni.

Jekk issib ruħek f’sitwazzjoni fejn tħoss l-effetti ta’ disforija jew skumdità f’ġismek, ieqaf ftit, ibdel il-pożizzjoni, jew aħseb f’dak li jagħmlek kuntent u jagħtik sens ta’ affermazzjoni. Is-sess m’għandux għalfejn ikun tellieqa b’għan aħħari li trid tintrebaħ. Ftakar li s-sess jaf ikun senswali, ġieli jnissel tbissima, ġieli jittieħed bil-mod u blagħaġla u ġieli anke jkun kreattiv.

Il-libido (sex drive) ta’ kull persuna huwa differenti u dak li jwassal għal orgażmu jvarja minn persuna għal persuna, u ma jeżistix “in-normali”. Huwa ġismek li jagħmel ir-regoli tiegħu, u dan huwa dak li jagħmlu speċjali.

Persuni interess jistgħu jidentifikaw b’ħafna modi. Xi wħud bħala rġiel, oħrajn bħala nisa, oħrajn bħala t-tnejn li huma, la wieħed u lanqas l-ieħor, jew sempliċiment bħala intersex. Għal oħrajn, li jkunu interess hija l-bijoloġija tagħhom, u l-identità tagħhom hija maskili, femminili jew non-binary. Dawn l-għażliet huma kollha validi.

M’hemm l-ebda ktieb tal-istruzzjonijiet fuq kif tkun intersex, jew kif tista’ tmiss jew titkellem fuq ġismek. Tkellem mal-partner(s) tiegħek dwar il-lingwaġġ li tippreferi, dak li jagħmlek komdu u dak li tħossok tajjeb dwaru. Żomm moħħok miftuħ biex titgħallem dan il-lingwaġġ, anke jekk forsi ma taħsibx li  jeżisti. Xi nies, speċjalment dawk akbar fl-età, jista’ jkun li għandhom il-lingwaġġ tagħhom biex jiddeskrivu lilhom infushom u ġisimhom. Jekk jixtiequ jaqsmu din il-lingwa magħna, għandna nkunu kurjużi u lesti li nifhmuha. Il-kurżità tagħmel tajjeb, però r-rispett u l-kunsens jiġu l-ewwel u qabel kollox.

Persuni intersex jistgħu jesperjenzaw il-pubertà b’modi differenti. Hemm min jesperjenzaha b’mod wieħed, inkella tnejn, u ġieli anke taħlita. L-ormoni jistgħu jaffettwaw kif tinħass il-ġilda, ix-xagħar u suf jew il-libido. Jistgħu wkoll jaffettwaw kif wieħed jesperjenza l-pjaċir.

Ma jeżistix bilanċ “korrett” ta’ estroġenu jew testosterone. L-aħjar bilanċ huwa dak li jġiegħlek tħossok dak li verament jagħmlek “int”.

L-anatomija intersex hija unika daqs kemm huma uniċi l-marki tas-swaba’ (fingerprints). Xi nies għandhom pene, oħrajn vulva, oħrajn it-tnejn, u oħrajn xi ħaġa kompletament tagħhom. Hija varjetà sabiħa, u allura għal kull persuna differenti, il-pjaċir jidher u jinħass b’modi differenti.

Xi nies intersex għandhom klitoris, oħrajn pene, oħrajn xi ħaġa bejniethom jew verżjoni tat-tnejn. Xi wħud iħossu sensazzjonijiet profondi fuq in-naħa ta’ ġewwa ta’ ġisimhom, oħrajn jirrispondu aktar għas-sensazzjoni jew vibrazzjoni fuq il-ġilda. Għal oħrajn, penetrazzjoni profonda tista’ tweġġa’, iżda sensazzjonijiet oħra jkunu aktar pjaċevoli u milqugħa.

• In-nervituri jaħdmu xorta waħda u xorta tista’ tħoss is-sensazzjoni;.

• Xi nies huma aktar sensittivi, oħrajn inqas, speċjalment jekk kellhom operazzjonijiet meta kienu żgħar.

• Il-lubrikant (lube) jgħin. Tgħin ukoll l-paċenzja, il-kurżità u l-komunikazzjoni.

• Meta tikkomunika, tgħallem il-lingwaġġ u iftaħ moħħok għal vokabularju ġdid.

• Iffoka fuq dak li jinħass tajjeb għalik, mhux fuq dak li xi ħadd qallek li “għandu” jinħass tajjeb.

Żoni madwar il-ġenitali, il-perineum, l-anus (it-toqba tas-sorm), iż-żaqq u l-ġewwa tal-koxox spiss ikollhom ħafna nervituri.

• Xi nies għandhom G-spot sensittiv jew “urethral sponge” li tirrispondi għall-pressjoni minn ġewwa jew minn barra.

• Logħob mas-sider, bews, logħob bil-bidla fit-temperatura jew vibrazzjoni jistgħu joħolqu dimensjonijiet ġodda ta’ pjaċir.

• Jekk għandek żoni b’inqas sensazzjoni, iffoka fuq dak li tirrispondi għalih. Il-mod ta’ kif il-pjaċir jgħaddi min-nervituri (pleasure pathways) jistgħu jerġgħu jinbnew u jissaħħu biż-żmien.

Billi kull ġisem intersex huwa uniku, m’hemm l-ebda mod “standard” ta’ kif ikollok x’taqsam sesswalment mal-oħrajn. Dan hu rigal. Int għandek l-opportunità tikteb ir-reogli tiegħek innifsek.

• Għid lil partner(s) liema kliem u sensazzjonijiet jinħassu tajbin għalik.

• Tkellem dwar liema żoni huma sensittivi u x’għandu jiġi evitat.

• Li turi x’jaħdem għalik huwa sexy u edukattiv.

• Qatt tiskuża ruħek talli għandek bżonn tikkomunika u sserraħ rasek. Dak mhux piż, anzi huwa sinjal pożittiv.

Il-kurżità hi ħaġa pożittiva imma rispett dejjem għandu jkun hemm.

Jekk kellek xi operazzjonijiet meta kont żgħir, jista’ jkollok ċikatriċi (scars) li jibdlu s-sensittività ta’ xi partijiet ta’ ġismek. Dan ma jfissirx li l-pjaċir mhux possibbli.

• It-tissue taċ-ċikatriċi (scar tissue) jista’ jirtab b’messaġġi ħfief, bis-sħana jew bil-vibrazzjonijiet.

• Miss lilek innifsek jew ħalli partner li tafdah imissek, sabiex tgħin in-nervituri isibu pathways ġodda

• L-aqwa żewġ alleati tiegħek huma l-lube u l-paċenzja

• Jekk l-uġigħ jew is-sensazzjoni ta’ nixfa qed jagħmlu l-affarijiet diffiċli, kellem professjonist tas-saħħa sesswali. Hemm diversi modi ta’ kif tista’ tegħleb dawn l-isfidi.