Sess Anali

L-anus u l-kanal tar-rektum fihom ħafna truf tan-nervituri li jirreaġixxu għat-tbagħbis, il-pressjoni u r-ritmu. Xi nies igawdu s-sensazzjoni ta’ mili, ġbid, jew ta’ ritmu dejjem jiżdiedi bil-mod u kostanti. Għal nies bi prostata, l-istimulazzjoni interna tista’ toħloq pjaċir profond u ritmiku.

Il-pjaċir jista’ jiġi minn:

• Konnessjoni emozzjonali, skambju ta’ poter jew vulnerabbiltà

• sens ta’ konnessjoni

• Stimulazzjoni ritmika

• il-penetrazzjoni nfisha

• L-erotiżmu psikoloġiku tar-rwol

Kull ġisem huwa differenti- m’hemmx mod wieħed kif is-sess anali għandu jinħass.

Il-kultura kwir tuża rwoli biex tiddeskrivi preferenzi jew tendenzi erotiċi. Dawn mhumiex identitajiet fissi sakemm xi ħadd ma jridhomx ikunu hekk.

Bottom Xi ħadd li ġeneralment jirċievi l-penetrazzjoni. Li tkun bottom ma jfissirx li tkun passiv u ma jfissirx li xi ħadd huwa sottomess, femminili, mingħajr esperjenza, jew aktar dgħajjef. Il-bottoms spiss imexxu r-ritmu, jikkomunikaw is-sensazzjonijiet, u jagħżlu l-angoli li jaħdmu għal ġisimhom. Xi bottoms iħobbu jkollhom rwol dominanti- dawn spiss jissejħu power bottoms.

Top Xi ħadd li ġeneralment jippenetra. Li tkun top mhux dejjem ifisser li tkun dominanti jew assertiv. Ħafna tops huma ġentili, kollaborattivi, u attenti. Li tkun top, tinvolvi komunikazzjoni, ritmu, empatija, u għarfien tal-ġisem tas-sieħeb/sieħba- speċjalment jekk tkun dominanti!

Vers (Versatili) Xi ħadd li jgawdi ż-żewġ rwoli; jew skont is-sitwazzjoni jew ma’ partners speċifiċi. Il-versatilità hija komuni ħafna. Tista’ tinbidel maż-żmien, bejn partners differenti, jew skont il-burdata u l-enerġija.

Side Xi ħadd li ma jħobbx il-penetrazzjoni, jew rarissimu jagħmel sess anali. Is-sides jistgħu jgawdu l-idejn, il-ħalq, it-toys, it-tħakkik (frotting), il-bews, l-istimulazzjoni esterna, jew pjaċir mal-ġisem kollu mingħajr penetrazzjoni. Is-sides m’għandhom xejn nieqes, u din hija preferenza valida li għandha tiġi rispettata. .

Ir-rwoli huma għodda għall-komunikazzjoni, mhux kategoriji fissi li għandek xi obbligu lejhom.

Il-kultura kwir, speċjalment il-kultura tal-irġiel gay, spiss tittratta r-rwoli bħala karatteristiċi tal-personalità. Fir-realtà:

• Ħafna bottoms jagħmluha ta’ top kultant

• Ħafna tops jagħmluha ta’ bottom kultant

• Ħafna nies jibdlu r-rwoli skont il-partner

• il-preferenzi jistgħu jinbidlu matul l-istadji tal-ħajja

• Ħadd m’għandu bżonn ikun vers biex ikun “edukat"

• Ħadd m’għandu jagħmel penetrazzjoni biss biex jimxi ma’ tikketta

Ir-rwoli sesswali ma jiddefinixxux il-maskulinità, il-femminilità, is-saħħa, ix-xewqa, jew l-orjentazzjoni tiegħek.

Is-sess anali jiddependi ħafna fuq ir-rilassament, aktar mill-esperjenza. L-isfinter estern (muskolu madwar l-anus) jissikka meta xi ħadd iħossu stressjat, mgħaġġel, jew ippressat. It-tqanqil, il-paċenzja, u sens ta’ sigurtà jgħinu lill-ġisem jinfetaħ u jadatta bil-pass tiegħu.

Tfakkiriet importanti: Teżisti -

• varjazzjoni kbira fis-sensittività

• varjazzjoni kbira fil-ħin li tieħu biex "tisħon"

• varjazzjoni kbira f’dak li jagħti pjaċir

• varjazzjoni kbira f’dak li jgħodd bħala "sess"

Ġismek m’għandux għalfejn jaqbel mal-iskeda ta’ ħaddieħor.

Il-preparazzjoni m’għandhiex għalfejn tkun elaborata. Il-biċċa l-kbira tan-nies jiddependu fuq:

• Tqanqil (li jkollok ‘saħna’)

• Lubrikazzjoni

• Li tibda minn xi ħaġa żgħira

• Tnaqqis fil-veloċità

• Nifs

• Aġġustament tal-angoli

Jekk trid informazzjoni dettaljata dwar l-iġjene jew id-douching, tista’ żżur din il-paġna. Żomm f'moħħok li l-indafa perfetta mhix realistika u lanqas meħtieġa għal sess b'saħħtu.

L-anus ma jipproduċix lubrikazzjoni naturali. Il-lubrikant huwa essenzjali għall-kumdità, is-sigurtà u l-pjaċir.

• Lubrikant ibbażat fuq l-ilma jaħdem mal-kondoms u t-toys kollha.

• Lubrikant tas-silikon idum aktar u huwa ideali għas-sess anali, sakemm il-manifattur tat-toy tiegħek ma jindikax mod ieħor.

Ħafna nies ma jirrealizzawx kemm hemm bżonn lubrikant. Meta tuża aktar lubrikant, tkun qed tnaqqas il-frizzjoni, tipproteġi l-ġilda, u jgħin biex il-penetrazzjoni tkun aktar faċli.

Il-penetrazzjoni m’għandhiex għalfejn tibda b’pene jew toy kbir. Il-biċċa l-kbira tan-nies jibdew bi:

• Tbagħbis estern

• tarf ta’ saba’

• plug żgħir

• toy irqiq/żgħir

• pressjoni ġentili

• Inkejja ħafifa jew tisħin taż-żona

Mhuwiex mistenni li "tieħu" toy ta’ daqs sħiħ jew pene immedjatament. Il-ġisem jadatta gradwalment. Il-pressjoni, il-ġbid, u s-sħana jibnu l-kumdità maż-żmien. L-uġigħ huwa sinjal biex tieqaf jew taġġusta, mhux sinjal ta’ falliment.

M’għandek qatt tassumi li Is-sess anali se jsir kull darba. Qabel is-sess, tista’ tistaqsi lil partner:

• Tippreferix tkun top, bottom, it-tnejn, jew xejn?

• X’jgħinek tħossok komdu/a?

• Kif għandna nnaqqsu jew nieqfu, jekk ikun hemm bżonn?

Is-sess anali jibbenefika minn komunikazzjoni sempliċi u onesta. Frażijiet utli:

• "Ftit aktar bil-mod."

• "Aktar lubrikant."

• "Tibqax tiċċaqlaq għal mument."

• "Dak l-angolu tajjeb."

• "Ejja nieħdu break."

• "Nistgħu naqilbu għal xi ħaġa iżgħar?"

Il-partners mhux dejjem jistgħu jaqraw lil ġismek- li titkellem jagħmel is-sess aktar faċli u sigur għal kulħadd.

Il-bottoms spiss igawdu:

• pressjoni profonda

• moviment ritmiku

• sensazzjoni li tħossok mimli

• penetrazzjoni bil-mod u kkontrollata

• stimulazzjoni tal-prostata

• qrubija emozzjonali

• l-erotiżmu psikoloġiku li qed tirċievi

Angoli differenti jistimulaw partijiet differenti tal-ġisem. Anke bottoms mingħajr prostata jistgħu jgawdu l-pressjoni fuq iż-żona pelvika u l-ħitan tar-rektum. L-abbilta li tkun bottom mhijiex definita mid-daqs, l-esperjenza, ir-reżistenza, jew il-faċilità. Hija taħlita ta’ kumdità, ritmu, lubrikazzjoni, u komunikazzjoni.

Li tkun top huwa aktar minn sempliċiment penetrazzjoni. Ħafna tops iħobbu:

• jiggwidaw ir-ritmu

• jħossu r-reazzjoni tal-partner

• il-qrubija fiżika

• l-intimità emozzjonali li xi ħadd jafdak

• l-erotiżmu li qed tagħti pjaċir

• is-sensazzjoni ta’ moviment u konnessjoni

It-tops jibbenefikaw ukoll minn:

• mistoqsijiet spissi (checking in)

• Tibdil tal-angoli

• ritmu intenzjonat

• rispett lejn is-sinjali biex jieqfu jew inaqqsu

Top tajjeb jisma’ bil-ġisem kollu, u jkun jaf meta għandu jieqaf, inaqqas, jew jieħu pawża.

Il-versatilità hija komuni. Ħafna nies jibdlu r-rwoli abbażi ta’:

• Konnessjoni mal-partner

• Burdata

• Livelli ta’ enerġija

• Bżonnijiet emozzjonali

• Konnessjoni ma’ sieħeb/sieħba speċifika

• Kumdità tal-ġisem f’ġurnata partikolari

Il-versatilità ma teħtieġx involviment ugwali fiż-żewġ rwoli. Xi nies jippreferu primarjament rwol wieħed iżda jkunu kurjużi dwar l-ieħor. Oħrajn jaqilbu b’mod fluwidu. M’hemm l-ebda proporzjon korrett. Barra minn hekk, xi nies jistgħu jaqilbu r-rwoli f’sessjoni waħda- oħrajn le.

Is-sides huma nies kwir li l-pjaċir tagħhom ma jiffokax fuq il-penetrazzjoni. Jistgħu jgawdu:

• masturbazzjoni reċiproka

• frotting (tħakkik)

• sess orali

• logħob bl-idejn biss

• sess ibbażat fuq il-mess jew sensazzjonijiet

• logħob bit-toys mingħajr penetrazzjoni

• bews u intimità mal-ġisem kollu

Is-sides mhumiex inqas sesswali jew esperjenzati. Sempliċement jikkonnettjaw mal-pjaċir b’mod differenti. Is-sess penetrattiv mhuwiex importanti għal sess tajjeb.

Il-porn jista’ joħloq aspettattivi mhux realistiċi. Il-biċċa l-kbira tax-xeni jevitaw li juru:

• it-tisħin (warm-up)

• il-komunikazzjoni

• l-applikazzjoni mill-ġdid tal-lubrikant

• l-aġġustamenti tal-angoli

• il-pawżi

• il-bidliet fit-tqanqil

Il-porn gay spiss juri l-istess tipi ta’ ġisemi u l-istess stil ta’ prestazzjoni ripetutament. Is-sess reali jvarja ħafna u rari jidher bħal produzzjoni fi studio. Jekk l-aspettattivi tal-porn qed jinfluwenzaw kif tħossok, żur il-paġna tal-Porn għal spjegazzjoni aktar profonda.

Xi sensazzjonijiet jistgħu jinħassu intensi jew jinvolvu ġbid b’mod pjaċevoli. Uġigħ qawwi, tingiż, jew ħruq persistenti normalment jindikaw il-bżonn li tieqaf.

Raġunijiet komuni għal skumdità:

• nuqqas ta’ lubrikant

• muskoli ssikkati

• għaġla

• Pożizzjoni li ma taqbilx ma’ ġismek

• nuqqas ta’ tisħin

• wisq fond malajr wisq

Ieqaf immedjatament jekk:

• Tħoss uġigħ qawwi u f’daqqa

• Qed joħroġ ħafna demm

• Tħossok sturdut/a jew ma tiflaħx

• Il-penetrazzjoni tħossha impossibbli minkejja t-tqanqil

Il-ġisem ma jġibux ruħu l-istess dejjem. Il-varjazzjoni hija normali.

Ħafna nies iħossuhom komdi f’pożizzjonijiet li jippermettu kontroll u rilassament. Pożizzjonijiet tajbin għall-bidu:

• fuq il-ġenb b’imħadda bejn l-irkopptejn

• fuq dahrek b’ġenbejk imserrħin ma’ xi ħaġa

• fuq idejk u rkopptejk b’imħadda taħt il-minkbejn

• il-persuna li qed tirċievi tkun fuq biex tikkontrolla l-fond u r-ritmu

L-ebda pożizzjoni ma taħdem għal kulħadd. Esplora dak li jaqbel ma’ ġismek u l-kumdità tiegħek.

It-toys huma utli għal:

• Stretching gradwali

• Warm Up

• Esplorazzjoni tal-fond

• Esplorazzjoni tal-pjaċir tal-prostata

• Logħob anali mhux penetrattiv

L-istrap-ons jippermettu partners mingħajr pene li jkunu tops, u jiftħu possibbiltajiet għal koppji ta’ kull ġeneru. Inaqqsu wkoll il-pressjoni fuq dawk li jgħajjew malajr. Agħżel toys li huma:

• siguri għall-ġisem (silikon, ħġieġ, azzar)

• ta’ daqs xieraq għal-livell ta’ kumdità tiegħek

• bi flared base (bażi wiesgħa) għall-użu anali

Il-lubrikazzjoni, il-komunikazzjoni, u l-pass bil-mod japplikaw għat-toys daqs kemm japplikaw għall-pene.

Wara s-sess anali, ħafna nies jibbenifikaw minn:

• Ilma sħun biex inaddfu l-ġenitali b’mod ġentili

• Tgħanniq 

• Jekk jitkellmu dwar dak li għoġobhom

• Mistrieħ

• Xorb tal-ilma

L-aftercare tgħin lill-ġisem jikkalma u żżid il-konnessjoni emozzjonali. Għal gwida dwar iġjene sempliċi, żur il-paġna tal-Iġjene.

Fittex għajnuna medika jekk tesperjenza:

• telf ta’ demm persistenti

• tisfija qawwija jew mhux tas-soltu

• uġigħ intensiv li ma jitjiebx

• deni wara sess anali

• nefħa jew skumdità severa