L-Indafa Ġenitali u Anali

• Aħsel il-ġenitali b'ilma fietel.

• Sapun ħafif u mingħajr fwieħa (unscented) jista' jintuża fuq barra biss.

• Evita sapun qawwi, scrubs, jew prodotti bil-fwieħa.

• Nixxef iż-żona b'mod ġentili wara l-ħasil.

• Ilbes ħwejjeġ ta' taħt li jħallu l-arja tgħaddi (bħal tal-qoton).

• Oqgħod attent għal tibdil bħal irritazzjoni, uġigħ, ħakk, jew tnixxija (discharge) li mhux tas-soltu.

Importanti: Li tkun nadif ma jfissirx li m'għandu jkun hemm l-ebda riħa. Il-ġisem għandu rwejjaħ naturali tiegħu. Il-ħasil intern (douching) mhuwiex meħtieġ, u t-tqaxxir tas-suf hija għażla personali, mhux neċessità ta' iġjene.

• Aħsel il-pene u l-iskrotu kuljum b'ilma fietel.

• Jekk int uncut (uncircumcised), iġbed il-ġilda lura bil-mod u laħlaħ taħtha.

• Nixxef sew qabel ma terġa' tniżżel il-ġilda.

• Riħa ħafifa hija normali. Jekk ikun hemm irwejjaħ qawwija ħafna, uġigħ, jew tnixxija, ikkonsulta tabib.

• Jekk tuża apparat bħal tucking/packing gear, naddaf iż-żona b'mod ġentili u ħalli l-ġilda tieħu n-nifs meta jkun possibbli..

• Naddaf il-vulva biss (il-parti ta' barra), mhux in-naħa ta’ ġewwa tal-vaġina.

• Uża ilma fietel u, jekk hemm bżonn, sapun ħafif mingħajr fwieħa.

• Tużax douching: Il-vaġina tnaddaf lilha nnifisha. Id-douching itellef il-bilanċ naturali tal-batterji, u dan jista' jwassal għal infezzjonijiet u irritazzjoni.

• It-tnixxija (discharge) tinbidel b'mod naturali matul iċ-ċiklu menstruwali jew waqt l-eċitament. Dan huwa normali.

Iġsma li għaddew minn kirurġija, ormoni, jew interventi mediċi jista' jkollhom bżonn kura żejda.

• Segwi l-pariri speċifiċi tat-tobba tiegħek.

• Kun ġentili madwar il-punti jew żoni sensittivi.

• Uża lubrikant addattat jekk tħoss nixfa.

• Ħu l-ħin tiegħek biex titgħallem x’inhu l-aktar komdu għal ġismek.

Il-preparazzjoni m’għandhiex għalfejn tkun ikkumplikata. Għall-biċċa l-kbira tan-nies, passi sempliċi huma biżżejjed:

1. Doċċa b'ilma fietel.

2. Ħasil ġentili tal-partijiet esterni.

3. Ħasil tas-snien (speċjalment jekk se jkun hemm sess orali).

4. Qtugħ tad-dwiefer jekk se jintużaw l-idejn.

M’hemmx bżonn ta’ prodotti speċjali. Jekk se tuża toys jew harnesses, naddafhom qabel u wara l-użu.

L-anus m’għandux bżonn tindif profond biex ikun b’saħħtu.

• Għal kuljum: Aħsel in-naħa ta’ barra b’ilma fietel u nixxef bil-mod.

• Għal sess anali: Xi nies jagħżlu li jagħmlu laħlaħ ħafif (light rinse) minn ġewwa,oħrajn jippreferi douching- importanti li jekk ħa tagħmel doċċa interna (douching), li ma tagħmiliex ta’ spiss, minħabbaf irritazzjoni. Għal gwida fuq kif tagħmel doċċa interna u b’mod sikur, għafas hawn. 

• Importanti: L-anus ma jipproduċix lubrikazzjoni naturali, għalhekk uża ħafna lubrikant biex tevita li l-ġilda tixxaqqaq, tingiref jew tirrita ruħha.

• Aċċetta li l-iġsma mhux dejjem huma prevedibbli 100%. "Aċċidenti" żgħar jistgħu jiġru u ma jfissrux li l-persuna hija maħmuġa
  

Wara l-att sesswali, dawn il-passi jgħinuk biex tħoss aktar kumdità:

• Laħlaħ il-ġenitali b'ilma fietel biex tneħħi l-lubrikant jew fluwidi oħra.

• Għamel pipi: Dan jgħin biex jitlaħlaħ l-uretra u jnaqqas ir-riskju ta' infezzjonijiet (speċjalment wara penetrazzjoni).

• Ixrob l-ilma

• Jekk użajt sex toys, naddafhom sew b’sapun anti bacterial u bla alkoħol, u b’l-ilma fietel.

Jekk tinnota sintomi li jdumu aktar minn ftit jiem, bħal:

• Uġigħ, ħruq, jew nefħa.

• Irwejjaħ qawwija u mhux tas-soltu.

• Tnixxija (discharge) ta' kulur jew konsistenza stramba.

• Fsada li mhix marbuta mal-perjodu jew korriment.

• Ħakk kontinwu.

F'Malta, il-GU Clinic (fl-Isptar Mater Dei) toffri servizz kunfidenzjali u professjonali għal dawn il-każijiet.