Il-Masturbazzjoni

Il-masturbazzjoni hija meta tmiss ġismek stess għall-pjaċir. Tista’ ssir bl-idejn, b’sex toys, bil-moviment, bl-immaġinazzjoni, jew sempliċement billi tiffoka fuq is-sensazzjonijiet. Tista’ tieħu l-ħin, jew bil-mod, intenzjonata jew każwali. Tista’ twassal għal orgażmu, jew le. Kollox jgħodd.

Il-masturbazzjoni hija komuni fost kull ġeneru, orjentazzjoni, u età. Hija waħda mill-aktar modi sikuri kif tesplora l-pjaċir, titgħallem x’jogħġbu ġismek, u tnaqqas it-tensjoni. Tista’ wkoll tgħin lin-nies iħossuhom aktar konnessi ma’ ġisimhom, speċjalment jekk is-sess ma’ ħaddieħor iħossuhom ikkumplikat, mhux familjari, jew mhux aċċessibbli.

M’hemmx frekwenza "tajba". Xi nies jimmasturbaw spiss. Oħrajn rari. Oħrajn xejn. L-ebda wieħed minn dawn ir-realitajiet ma jirrifletti s-saħħa, il-maturità, jew kemm persuna hija mixtieqa. M’għandekx bżonn partner biex tiġġustifika l-pjaċir. Li tkun trid tħossok tajjeb huwa biżżejjed.

  • Il-masturbazzjoni toffri aktar minn sempliċi orgażmu. Tista’ tgħin lin-nies:

    • jitgħallmu liema tipi ta’ sensazzjonijiet iħossuhom tajjeb bih

    • jikkomunikaw ix-xewqat tagħhom b’aktar kunfidenza

    • jirrilassaw u jorqdu b’aktar faċilità

    • jesploraw il-fantażija mingħajr pressjoni

    • jerġgħu jikkonnettjaw mal-ġisem wara marda, disforija, jew bidla

    It-tifsira tal-masturbazzjoni tvarja. Għal xi nies hija xi ħaġa erotika ħafna. Għal oħrajn hija mod kif iħossuhom f'posthom (grounded) jew sempliċement xi ħaġa prattika. Il-preferenzi jistgħu jinbidlu maż-żmien, u dan huwa normali.

  • Bl-idejn, b’sex toys, moviment, fantażija, jew kombinazzjoni tagħhom. M’hemm l-ebda metodu li huwa aktar "korrett" jew aktar awtentiku. L-aħjar metodu huwa dak li jaħdem għalik f’dak il-mument.

    Li tesplora waħdek tista’ tagħmel is-sess ma’ partner aktar sempliċi, għax tagħti lin-nies sens aktar ċar ta’ x’iħossu tajjeb u kif jitolbu għalih.

  • Il-masturbazzjoni hija ġeneralment b’saħħitha meta:

    • tħossha pjaċevoli jew tikkalmak

    • ma tikkawżax irritazzjoni fiżika

    • ma tfixkilx il-ħajja ta’ kuljum

    • mhix immexxija minn paniku, ħtija, jew pressjoni

    In-nies spiss jimlasturbaw biex jirrilassaw, anke jekk ma jkunux daqstant eċċitati sesswalment. Jista’ jgħin jekk tirrifletti miegħek inniffsek jew ma’ terapista jekk il-masturbazzjoni:

    • tinħassx bħala xi ħaġa kompulsiva aktar milli għażla

    • saritx l-uniku mod kif timmaniġġja l-emozzjonijiet

    • hijiex qed tieħu post l-irqad, il-konnessjoni mal-oħrajn, jew ir-responsabbiltajiet

    • tħallikx tħossok imħawwad jew skonnettjat

    Id-diffikultà biex tbiddel drawwa ma tfissirx li hemm xi ħaġa ħażina fik. Li tħoss sens t’għarukaża, issaħħaħ daw il-patterns. Is-sapport jista’ jgħin jekk trid tbiddel il-mod kif tirrelata mal-masturbazzjoni.

  • Xi nies iħalltu l-iskumdità dwar il-pornografija jew il-masturbazzjoni mal-vizzju (addiction). Li tħoss konflitt miegħek innifsek, ma jfissirx awtomatikament li għandek problema. Il-ħtija spiss tiġi minn messaġġi morali, aspettattivi ta’ produttività, jew pressjoni biex tikkontrolla x-xewqa.

    Jekk il-masturbazzjoni tħossha tajba imma l-ħtija tħossha tqila, il-ħtija nnifisha hija dik li għandek tesplora. 

  • Il-bidla hija possibbli meta tħares lejha b’kurżità aktar milli b’piena lilek innifsek. Tista’ tipprova:

    • tagħżel il-mumenti b’mod aktar intenzjonat

    • tesperimenta b’forom ġodda ta’ pjaċir jew rilassament

    • tinnota liema emozzjonijiet iqumu qabel u wara

    • titkellem ma’ terapista jew professjonist tas-saħħa sesswali

    Li tbiddel il-mudell mhuwiex dwar restrizzjoni. Huwa dwar li tifhem x’iġiegħlek tħossok tajjeb u x’le.

  • L-att ta’ masturbazzjoni jista’ jsir ma’ ħaddieħor. Xi nies jimlasturbaw ħdejn xulxin, jew flimkien bħala forma ta’ intimità. Dan jista’ jinkludi li taraw lil xulxin, talternaw, jew tmissu lilkom infuskom waqt li tkunu qrib xulxin.

    Il-masturbazzjoni ma’ partner tista’ tinħass intima mingħajr l-aspettattivi li kultant jiġu ma’ tipi oħra ta’ sess. Kull persuna tibqa’ fil-kontroll ta’ ġisimha stess waqt li xorta jaqsmu l-eċitament u l-konnessjoni. Dan jista’:

    • inaqqas il-pressjoni biex "tagħmel prestazzjoni"

    • jgħin lill-partners jitgħallmu l-preferenzi ta’ xulxin

    • joffri intimità mingħajr penetrazzjoni

    • jaħdem tajjeb meta l-livelli ta’ enerġija jew xewqa jkunu differenti

    • isostni l-konnessjoni sesswali waqt mard, stress, jew rkupru

    Għal xi koppji hija bħal "warmup". Għal oħrajn hija l-attività prinċipali. It-tnejn huma validi.

  • Is-sex toys huma oġġetti li jistgħu iżidu s-sensazzjoni, is-saħħa, jew il-varjetà fil-pjaċir. Jistgħu jintużaw waħdek jew ma’ partner. It-toys huma għal kull min irid jużahom. L-użu ta’ toy ma jfissirx li hemm xi ħaġa nieqsa, u ma jissostitwixxix l-intimità. Huwa sempliċement mod possibbli kif tesplora l-pjaċir.

    It-toys jistgħu jkunu speċjalment utli għal:

    • nies b’mobbiltà limitata jew uġigħ kroniku

    • nies li qed jesperjenzaw nixfa jew bidliet fl-erezzjoni

    • persuni trans u mhux binarji li qed jesploraw il-kumdità ma’ ġisimhom

    • persuni b’differenzi sensorji jew diżabbiltajiet

  • Xi Tipi ta’ Toys

    • Toys Esterni: Jistimulaw in-naħa ta’ barra tal-ġisem (bħall-klitoris, il-pene, in-nippliet, eċċ.). Eżempji: vibraturi żgħar, bullet vibrators, suction toys.

    • Toys interni: Jintużaw ġewwa l-vaġina jew l-anus. Dawn għandhom bżonn il-lubrikant (lube). Toys anali għandu dejjem ikollhom bażi wiesgħa (flared base).

    • Toys Vibranti: Joffru stimulazzjoni ritmika. Jistgħu jkunu ġentili jew b’saħħithom.

  • Meta l-ġisem iħossu sigur, tieħu ħafna aktar gost! Jekk ħa tuża sex toys importanti li tuża:

    1. Materjal Sikur: Agħżel toys magħmula minn silikon, stainless steel, jew ħġieġ.

    2. Lubrikazzjoni: Jekk ħa tuża sex toys interni, Il-lubrikant inaqqas il-frizzjoni. Water-based lube jaħdem ma’ kważi kollox.

    3. Tindif: Naddaf it-toys qabel u wara l-użu b’ilma fietel u sapun ħafif.

    4. Isma’ l-Ġismek: Jekk xi ħaġa tikkawża uġigħ jew irritazzjoni, ieqaf.