Nisa Trans*

Waqt li l-anatomija hi parti importanti mill-eċitament sesswali (arousal), l-anatomija hija biss parti waħdi minn dan.—. Dak li tħoss meta tkun qed tħossok sigura, mixtieqa u affermata jista’ jkun qawwi daqs is-sensazzjonjiet fiżiċi.

• Id-disforja tista' tagħmel xi sensazzjonijiet meta tmiss jew imissulek ġismek diffiċli biex jitgawdew. Qatt m’għandek tagħmel xi ħaġa li ma tħossokx komda biha.

• Tkellem mas-sieħeb jew sieħba tiegħek dwar il-lingwaġġ, il-boundaries b’xiex int komda qabel ma jsir jkollok x’taqsam magħhom.

• Int valida u sabiħa fi kwalunkwe stadju tat-transizzjoni, kemm jekk qabel l-operazzjoni, wara l-operazzjoni, jew mingħajr operazzjonijiet.

• Is-sess mhuwiex biss dwar l-anatomija tal-ġisem, iżda huwa wkoll dwar il-konnessjoni, il-kunfidenza u l-kumdità tiegħek f’ġismek.

• Ħu l-ħin tiegħek, ikkomunika, u ftakar li l-pjaċir għandu dejjem għandu jkun sigur, reċiproku u affermanti.

L-estroġenu (E) irattab il-ġilda, imexxi x-xaħam lejn il-ġenbejn, il-koxox u s-sider, u jista’ jibdel dak li tħoss meta tmiss jew imissulek ġismek.

L-erezzjonijiet jistgħu jsiru inqas sodi jew inqas frekwenti, u l-orgasmu jista’ jieħu aktar fit-tul biex jasal, isir aktar profond jew jinħass mal-ġisem kollu.

Xi nisa trans isibuha aktar diffiċli biex iġibuha, jew biex jorgasmaw, minn oħrajn. Ċerti nisa trans ikollhom aktar/inqas funzjoni minn oħrajn u dan jista’ jiddependi fuq x’mediċini jittieħdu u/jew operazzjonijiet il-persuna tkun għamlet. 

Jaf tinnota ċerti postijiet isiru aktar sensittivi, speċjalment is-sider, l-għonq u n-naħa ta’ ġewwa tal-koxox.

Esplora bili tmiss ġismek b’modi differenti. Dak li kien jinħass tajjeb qabel jista’ ma jibqax, u tista’ tħoss sensazzjonijiet ġodda li qatt ma ħassejt qabel.

Matul il-proċess tat-transizzjoni medika, jista’ jkun hemm diversi tibdil. Per eżempju, fil-bidu ssibha faċli li jkollok erezzjoni u/jew iġġibha b’Tip A ta’ stimulazzjoni imma aktar ma jgħaddi żmien tibda’ ssibha diffiċli jew anke impossibbli b’dak il-metodu allura jistgħu jiġu pruvati tipi forom oħra ta’ stimulazzjoni.

Kulħadd juża kliem differenti* għall-ġisem tiegħu. Xi wħud jużaw kliem bħal “żobb”, “pene,” “klitoris,” jew “girl dick,” (ġieli bl-Ingliż u ġieli bil-Malti) u xi wħud jippreferu kliem newtrali bħal “ta’ quddiem” jew “il-partijiet.” Dejjem uża l-lingwaġġ li tħoss li hu affermanti għalik.

• L-estroġenu jista’ jagħmel l-erezzjonijiet aktar rotob, iqsar jew inqas frekwenti, iżda l-pjaċir jibqa’ possibbli u reali.

• L-orgasmu jista’ jinħass inqas iffukat f’post wieħed u aktar bħal mewġa mal-ġisem kollu.
  Huwa normali li ma toħroġx sperma jew toħroġ “vojta” għax ħafna nisa trans jipproduċu inqas sperma meta jkunu fuq l-HRT.

• Xi nisa trans isibu li meta jmissu ġisimhom bil-mod u b’ritmu kajman jesperjenzaw aktarpjaċir sesswali milli meta l-istimulazzjoni tkun mgħaġġla jew qawwija.

• Il-lubrikant (lube) jgħin inaqqas il-frizzjoni (friction) u jżid il-kumdità, speċjalment waqt bidliet ormonali.

• Il-kontraċezzjoni xorta waħda hija rakkomandata.

• Nisa trans mingħajr operazzjoni t’isfel, bħal kulħadd, m’għandhomx għalfejn jagħmlu jew jiġu mistennija li jagħmlu sess anali jew penetrazzjoni biex jieħdu gost sesswalment.

*Dejjem għid lis-sieħeb/a liema kliem tħoss li huwa l-aktar affermattanti għalik. Li tistaqsi qabel tmiss jew tuża xi isem għal xi parti mill-ġisem huwa parti mill-kunsens.

Jekk kellek vaġinoplastija (vaginoplasty), ġismek issa għandu dik li tissejjaħ neovaġina magħmula minn tissues li ġa kienu f’ġismek.

Hemm diversi modi ta’ kif tinħoloq vaġina. Il-kirurgi jużaw tekniki differenti skont l-anatomija, il-preferenzi u kif il-persuna tkun trid tużaha. Kollha jistgħu jwasslu għal pjaċir, sensittività u funzjoni, iżda b’modi differenti.

• Inverżjoni penili (Penile Inversion): L-aktar operazzjoni komuni. Il-ġilda tal-pene tintuża biex tifforma l-kanal vaġinali. Din l-operazzjoni tista’ toħloq sens ta’ fond, sensazzjoni u anke lubrikazzjoni naturali li tiġi mal-pjaċir sesswali.

• Graft tal-iskrotum (borża tal-bajd) jew tal-ġilda: Jiżdied tissue għal aktar fond jew wisgħa meta jkun hemm bżonn.

•  Peritoneal or sigmoid colon vaginoplasty: Jintuża tissue mill-addome (abdomen) jew sezzjoni żgħira tal-kolon. Dawn jistgħu jillubrikaw waħedhom iżda kultant jista’ jkun hemm riħa ħafifa li però tonqos ħafna maż-żmien.

• Zero-depth (vulvoplastija): Tinħoloq vuIva esterna mingħajr kanal vaġinali. Ideali għal min ma jridx jew m’għandux bżonn penetrazzjoni.

Kull neovaġina hija differenti. Is-sensazzjoni, id-dehra u l-mod kif tfieq wara l-operazzjoni jvarjaw. M’hemm l-ebda verżjoni “tajba” — li hu “tajjeb” huwa biss dak li huwa tajjeb għal ġismek, għal saħħtek u għall-għanijiet tiegħek.

• Is-sensittività tvarja. Xi nies iħossu pjaċir sesswali ftit wara li jagħmlu l-operazzjoni , u għal oħrajn irid jgħaddi ftit żmien.

• Il-klitoris magħmul mit-tissue oriġinali normalment jibqa’ sensittiv ħafna.

• Il-neovaġina tista’ teħtieġ dilatazzjoni (dilation) regolari fil-bidu biex tibqa’ miftuħa. Aktar ’il quddiem, xi nies jużaw id-dilatazzjoni (dilation) bħala kura personali jew bħala parti mill-pjaċir.

• L-orgasmu jista’ jinbidel, iżda ħafna nies xorta jħossu pjaċir qawwi u sensazzjonijiet ġodda.

• Nisa trans b’operazzjoni t’isfel xorta m’għandhomx għalfejn jagħmlu sess penetrattiv biex igawdu l-pjaċir sesswali.

Ħu l-ħin tiegħek, uża lubrikazzjoni t-tajba u esplora modi li bihom tħossok komda. Tinsiex li bħal f’kollox, il-fejqan u l-pjaċir jieħdu ż-żmien.

L-estroġenu jew l-impjanti jistgħu joħolqu sider sensittiv u erotiku bħal ta’ ħaddieħor.
Is-sensittività tan-nippliet tvarja minn sensazzjoni b’saħħitha għal waħda ħafifa. It-tnejn huma normali.

Xi nisa trans isibu li meta jmissu sidirhom, u jilgħabu biż-żejziet iħossu sens qawwi ta’ affermazzjoni li jqawwihom emozzjonalment.. 

Jekk għalik hija xi ħaġa ġdida li tmiss in-nippliet mela ħudha aktar bil-mod, u tgħaġġilx. Ġieli s-sħana, li ssoff bix-xufftejn u l-vibrazzjonijiet jgħinuk titgħallem kif tħossok tajba.

Iż-żona anali hija mimlija nervituri u tista’ tkun sors inkredibbli ta’ pjaċir għal ħafna nies.

• Il-logħob anali jista’ jistimula l-prostata (jekk ma tkunx tneħħiet) però anke sempliċement logħob madwar ir-rektum (it-toqba) jaf iwassal għall-istess stimulazzjoni.

• Ħudha bil-mod, ħu n-nifs, u tinsiex li l-akbar ħabib tiegħek huwa l-lubrikant (lube).

• Jekk tuża xi toys, ara li tnaddafhom qabel u wara. Uża kondoms jew xi barriers jekk ser taqsamhom ma xi ħadd.

• Jekk tagħmel pipì wara s-sess jew il-logħob anali, dan jgħin biex tnaqqas ir-riskju ta’ infezzjoni.

Xi nisa trans jgħidu li l-logħob anali jagħtihom orgasmi aktar profondi li jħossuhom ma’ ġisimhom kollu. Oħrajn mhumiex interessati, u ovvjament, dan huwa normali wkoll!

Ġismek jista’ jkun mappa ta’ pjaċir, dik li nsejħulha pleasure map

• L-għonq, il-widnejn, in-nippli, iż-żaqq u n-naħa ta’ġewwa tal-koxox jistgħu jsiru aktar sensittivi bl-estroġenu.

• Jekk għandek klitoris (wara l-operazzjoni), l-istimulazzjoni tista’ tinħass qawwija, sħuna (warm) jew elettrika.

• Għal dawk li m’għamlux operazzjoni, in-naħa ta’ taħt tal-pene, jew il-frenulum, spiss jibqgħu sensittivi ħafna.

• Jekk tkun konness emozzjonalment, u tħossok qrib tal-partner tiegħek, ser iżżid l-eċitament. Il-kunfidenza ukoll tista’ ssaħħaħ il-pjaċir.

Esplora u miss ġismek lil hinn mill-ġenitali. Innota kif is-sensazzjonijiet jinbidlu skont il-burdata, il-kumdità jew il-konnessjoni li jkollok.