Sess Orali

Is-sess orali huwa meta persuna tuża ħalqha, xufftejha jew ilsienha biex tistimula l-ġenitali jew it-toqba tas-sorm ta’ persuna oħra. Dan it-tip ta’ sess jista’ jingħata lil persuna, jiġi riċevut mingħand persuna jew isir b’modijiet oħrajn. Importanti li ngħidu wkoll li dan xorta jitqies bħala sess anke jekk ħadd ma jġibha.

Għal xi nies, is-sess orali huwa kemxejn intimu waqt li għal oħrajn huwa aktar playful, horny, comforting jew sempliċiment ta’ gost. M’hemmx mod wieħed kif wieħed jista’ jinterpreta s-sess orali għax dawn l-opinjonijiet kollha huma validi.

Is-sess orali, bħal kull forma oħra ta’ sess, għandu jsir biss jekk min hu involut ikun iridu. Billi persuna tieħu gost bis-sess orali ma jfissirx li hija aktar esperjenzata jew ġeneruża u imbilli xi ħadd ma jiħux gost bih ma jfissirx li huwa egoist  jew inesperjenzat.

Xi nies, speċjalment dawk trans* jew ta’ ġeneri diversi, jippreferu kliem differenti meta wieħed jirreferi għal ġenitali tagħhom. Meta nistaqsu xi kliem persuna tippreferi nkunu qed ngħinu biex l-esperjenza tkun aktar pjaċevoli u affermanti waqt li nirrispettaw lil oħrajn!

  • Fil-porn, is-sess orali kemm-il darba jiġi muri bħala xi ħaġa intensa, silenzjuża u/jew bla waqfien. Is-sess orali fil-verità jinkludi pawżi, komunikazzjoni, aġġustamenti u ġieli anke xi tbissima ‘l hemm u ‘l hawn!

    Jekk qed tagħti s-sess orali lil xi ħadd, huwa normali li:

    • Tieqaf għal ftit

    • Tbiddel ir-ritmu jew il-pożizzjoni

    • Tuża kemm idejk u kemm ħalqek

    • Tgħid le jekk xi ħaġa tħossha skomda

    Sess orali tajjeb huwa riżultat ta’ meta persuna tkun attenta, mhux li tikkopja dak li tara.

    Il-kunsens jista’ jieħu l-forma li tistaqsi lil persuna l-oħra mistoqsijiet bħal “Trid aktar?”, “Tajjeb hekk?”, “Ngħaġġel aktar?”, “Nerda’ aktar bil-mod?” jew “Trid tieqaf?”. Mod ieħor ta’ kunsens huwa li tkun open għal li tagħmel il-persuna l-oħra u twaqqafha meta jkun hemm bżonn flok il-persuna l-oħra toqgħod tistaqsik hi.

    Is-sess orali jista’ jġiegħel kemm lil min qed jagħtih u kemm lil min qed jirċivieh iħossu vulnerabbli. Allura, hemm min jaraha idea tajba li jafferma lil min ikun qed jagħtih bi frażijiet bħal “Tini aktar”, “So good” jew “I love this” biex tonqos it-tensjoni u tissaħħaħ il-konnessjoni. Jekk ikun hemm xi ħaġa mhux pjaċevoli, tista’ tieqaf u titkellem dwar x’taħseb li jkun aħjar.

  • L-iġjene tajba hija importanti fis-sess orali għax tagħmlu aktar komdu, però m’hemmx bżonn li tesaġera.

    Qabel is-sess orali, hi idea tajba li:

    • Taħsel u/jew tlaħlaħ il-ġentali b’ilma sħun

    • Taħsel idejk u tillima difrejk

    • Taħsel snienek jew tuża mouthwash

    • Tevita li taħsel snienek eżatt qabel is-sess orali jekk tbati milli joħroġlok id-demm mill-ħanek

    Meta ngħidu iġjene, qed ngħidu ndafa u mhux li ma jkun hemm l-ebda riħa allura mhux bilfors jintużaw prodotti bir-riħa u/jew sapun qawwi biex ikun hemm riħa qawwija.

    Il-ġisem għandu t-togħmiet u l-irwejjaħ naturali tiegħu, u xi nies huma dilettanti ta’ dawn. Din hija xi ħaġa normali.

    Jekk xi ħadd mhux qed iħossu sew, għandu s-sores, irritazzjoni u/jew uġigħ, dejjem tista’ twaqqaf is-sess orali jew taqbżu kompletament.

    Wara s-sess orali, huwa biżżejjed li tagħmel affarijiet sempliċi bħal:

    • Tlaħlaħ ħalqek bl-ilma

    • Taħsel il-ġenitali bl-ilma sħun

    • Taħsel xi ġugarelli li ntużaw

    • Tagħmel pipì jekk għandek urethra

    M’hemmx bżonn li tqaxxar, tuża diżinfettanti jew tinħasel iż-żejjed.

    Jekk intużaw condoms jew barriers oħra, armihom kif suppost u aħsel idejk.

  • Xi infezzjonijiet jistgħu jiġu trażmessi permezz tas-sess orali, u ġieli lanqas tara sintomi. Biex innaqsu r-riskju, nistgħu nużaw condoms jew dental dams però mhux kulħadd jużahom. Wieħed jista’ jagħmel id-dental dams billi jaqta’ condom. Condoms u/jew dental dams bit-togħma jistgħu jagħmlu s-sess orali aktar pjaċevoli mingħajr ma jaffettwaw lil  saħħtek.

    Li tiċċekkja għal mard sesswali regolarment u tipprattika open communication ma’ min ikollok x’taqsam tgħin biex kulħadd jagħmel deċiżjonijiet infurmati mingħajr biża’ jew mistħija.

    Is-sess orali xorta għandu r-riskji, imma ġeneralment għandu inqas minn forom oħra ta’ sess.

  • Is-sess orali fuq il-vulva jista’ jinkludi l-clitoris, il-faldi, il-fetħa ġenitali u l-partijiet tal-madwar. Kemm persuna tkun sensittiva jvarja minn waħda għall-oħra, u dak li hu pjaċevoli jista’ jinbidel skont l-ormoni, il-burdata u kemm persuna tkun komda.

    Movimenti bil-mod spiss huma aħjar minn movimenti mgħaġġlin u skont jekk tużax ilsienek, xufftejk, in-nifs jew terda’ ġentilment jaffettwaw il-persuna l-oħra xi tħoss. Apparti dan, ħafna nies jieħdu gost bi stimulazzjoni orali u bl-idejn fl-istess ħin.

    M’hemmx bżonn li s-sess orali jkun intens jew li jsir il-ħin kollu. Li tieqaf, tbiddel ir-ritmu u tiċċekkja mal-persuna l-oħra hux kollox sew huma kollha affarijiet li jtejbu s-sess orali.

    Li l-għoxx ikollu togħma, ikun imxarrab u jkollu riħa naturali kollha huma affarijiet normali. Biex vulva tkun nadifa jew tal-gdim, m’hemmx bżonn li ma jkollha l-ebda togħma. It-togħma tista’ tinbidel minn ġurnata għal ġurnata skont l-ormoni, id-dieta u kemm persuna tkun xorbot. Tiblax il-likwidi jew le hija xi ħaġa li trid tiddeċiedi int: kulħadd għandu jkollu dritt li ma jiblax il-likwidi jew li jdaħħalhom ġo ħalqu.

    Il-koxox, iż-żaqq, il-ġenbejn u l-perineum jistgħu wkoll ikunu parti mill-pjaċir orali. L-istimulazzjoni tan-nippla u t-tbagħbis mal-ġisem kollu huma wkoll pjaċevoli għal xi nies, però importanti li niftakru li kull ġisem huwa differenti allura dejjem iċċekkja mal-persun(i) l-oħra!

  • Is-sess orali fuq il-pene jista’ jinvolvi r-ras, ix-xaft u l-ġarretta u l-partijiet tal-madwar bħall-borża tal-bajd u l-perineum. Kemm tkun sensittiv tvarja minn persuna għal oħra, u dak li hu pjaċevoli jista’ jinbidel skont il-burdata u kemm persuna tkun komda.

    M’hemmx tattika waħda li taħdem fuq kulħadd. Xi nies jieħdu gost b’moviment bil-mod waqt li oħrajn jippreferu aktar varjazzjoni fir-ritmu flimkien mal-użu tal-idejn. Li tati kas in-nifs, it-tensjoni u r-rispons tal-persuna l-oħra hija aktar importanti milli ssegwi xi script immaġinarju.

    Li tuża l-idejn flimkien mal-ħalq tista’ tnaqqas kemm tagħmel forza fuq ix-xedaq u l-għonq waqt li  tagħtik  aktar kontroll fuq kemm tagħmel pressjoni u fuq ir-ritmu. L-użu tal-idejn huwa komuni u prattiku mhux sinjal li l-persuna l-oħra qed tiskarta.

    Il-bajd u l-borża tal-bajd huma sensittivi ħafna. Li tmisshom b’mod ġentili u tapplika ftit pressjoni ġeneralment hi idea aħjar milli tagħfas jew tiġbed bil-qawwa. Għal xi nies, dawn il-partijiet jagħtu pjaċir kbir waqt li għal oħrajn huma aktar sensittivi jew ma tantx jagħtu gost. Tkunx tħoss wieħed jew l-ieħor huwa normali.

    Jekk xi ħadd għandu l-ġarretta, għandek toqgħod attent. Meta ġġebbidha lura, certi nies iħossuhom aktar sensittivi waqt li oħrajn jippreferu li ma tantx tmissha.

    It-togħma, ir-riħa u l-likwidi naturali huma parti mill-ġisem ta’ kulħadd. Li żobb ikun nadif ma tfissirx li ma jkollux riħa u/jew togħma. Il-kumdità hi aktar importanti milli noqogħdu nippretendu li l-ġisem huwa xi ħaġa li mhuwiex.

    Li tibla’ l-likwidi hi xi ħaġa li tiddeċiedi int: Kulħadd għandu jkollu d-dritt jiddeċiedi li ma jiblax jew ma jdaħħalx ċerti likwidi f’ħalqu waqt li oħrajn jieħdu gost jibilgħu.

    Is-sess orali għandu jkun jati gost lil partijiet kollha u m’għandux ikun hemm pressjoni żejda marbuta miegħu. Li tieqaf jew tbiddel li qed tagħmel huma affarijiet normalissimi.

    Xi nies jaf ikollhom gag relfex (tħossok li se ttella’) sensittiv anke waqt is-sess orali fejn iż-żobb ma jidħolx ħafna fil-ħalq. Għal nies hekk, ġieli tkun idea tajba li jintużaw aktar l-idejn, li tbiddel l-angolu u li toqgħod aktar viċin ras iż-żobb biex tnaqqas ċertu skumdità.

    Il-koxox, iż-żaqq, il-ġenbejn ( u l-perineum jistgħu wkoll ikunu parti mill-pjaċir orali. L-istimulazzjoni tan-nippla u t-tbagħbis mal-ġisem kollu huma wkoll pjaċevoli għal xi nies, però importanti li niftakru li kull ġisem huwa differenti allura dejjem iċċekkja mal-persun(i) l-oħra!

  • Is-sess orali fuq l-anus (it-toqba tas-sorm), magħruf bħala rimming, jinvolvi l-użu tal-ħalq u l-ilsien mas-sorm. Xi nies iqisu dan it-tip is-sess verament pjaċevoli għax is-sorm hu kemxejn sensittiv però bħal kollox, mhux kulħadd jieħu gost b’dan it-tip t’affarijiet u l-interess jista’ jvarja skont il-burdata u kemm il-persuni involuti jafdaw lil xulxin.

    L-iġjene tajba, kunsens ċar u l-kumdità huma importanti ħafna. Hemm min jippreferi jinħasel, juża l-wipes jew jitlaħlaħ ftit qabel is-sess orali mat-toqba tas-sorm. Tippreferi x’tippreferi, m’hemmx bżonn ta’ ħasil intern sakemm m’hemmx xi ħadd li jippreferih.

    Bħal kull tip ta’ sess orali, importanti li kull persuna tieħu pjaċir u ma tħosshiex li qed tagħmlu ta’ bilfors. L-entużjażmu hu aktar importanti mit-tattika.

  • Il-kumdità hi importanti għal min qed jirċievi u għal min qed jagħti.

    Xi affarijiet li missek iżżomm f’moħħok:

    • Li tieħu n-nifs minn imnieħrek tnaqqas it-tensjoni

    • Ix-xedaq, l-għonq u l-ilsien jgħajjew, allura hu normali li tieqaf għal ftit

    • L-idejn jistgħu jnaqqsu kemm tagħmel sforz u jżidu s-sensazzjoni

    • Il-komunikazzjoni tista’ tkun verbali jew permezz tal-ġisem (body language)

    Jekk xi ħaġa tinħass skomda, antipatka jew tkun wisq għalik, dejjem tista’ tieqaf. Li tkun trid xi ħaġa hi aktar importanti milli tissapportiha.

    Nies b’diżabilità, uġigħ kroniku jew tensjoni fix-xedaq jistgħu jużaw imħaded speċjali, wedges jew pożizzjonijiet differenti biex inaqqsu l-istrapazz. L-aċċessibilità taf ittejjeb is-sess!

  • Deep throating tfisser li ddaħħal żobb ‘il ġewwa lejn griżmejk. Xi nies jogħġobhom id-deep throating waqt li oħrajn ma tantx huma dilettanti ta’ dan. Bħal kull ħaġa oħra, id-deep throating għandu jsir biss meta l-partners ikunu jridu u mhux rekwiżit għal sess orali tajjeb. Huwa sempliċiment mod wieħed ta’ sess orali fuq iż-żbub. Mhux xi standard, xi ħaġa li kulħadd għandu jistenna jew xi turija ta’ kemm persuna hi tajba.

    Id-deep throating jiddependi fuq kemm persuna hi rilassata, fuq in-nifs tagħha u l-angolu, mhux kemm tuża forza. Jekk il-persuna li tkun qed terda’ tkun se taqla’, tħoss xi uġigħ jew tibda’ tippanikja, importanti li tieqaf.

    Dawn huma xi affarijiet li jistgħu jagħmlu d-deep throating aktar komdu għal xi nies:

    • Terda’ bil-galbu mhux b’ritmu mgħaġġel

    • Tikkontrolla kemm jidħol iż-żobb int (min ikun qed jerda’)

    • Tuża l-lubrikant

    • Tbiddel il-pożizzjoni

    • Tieħu waqfiet frekwenti

    M’għandek tippretendi lil ħadd jittollera l-iskumdità.

  • Id-deep throating jista’ jweġġagħlek xi naqra griżmejk, għonqok u/jew ix-xedaq allura tajjeb li tieħu ħsieb wara.

    Wara d-deep throating, hi idea tajba li:

    • Tixrob l-ilma

    • Isserraħ ix-xedaq u għonqok

    • Tixrob xorb sħun jew tieħu soothing lozenges

    • Tevità li tpejjep u li tieħu nifs f’arja xotta ħafna

    • Ma tkomplix tagħti sess orali jekk griżmejk ikunu għadhom xotti

    Huwa normali li tħoss griżmejk xi naqra xotti wara d-deep throating. Jekk tkun qed tħoss uġigħ qawwi, diffikultà biex tibla’ jew skumdità għal ħin twil, probabbli għandek tieqaf u tistrieħ. Jekk dawn is-sintomi jippersistu, idea tajba li tmur għand tabib.

    Li tieħu ħsieb ġismek hija parti essenzjali ta’ sess tajjeb.